Túrkistan oblysynyń Shardara qalasyna jańa ákim saılandy
TÚRKІSTAN. KAZINFORM – 19 sáýir kúni Shardara aýdany Shardara qalasy ákiminiń saılaýy ótti.
Saılaýshylar tizimine 19 833 azamat engizilgen. Olardyń 10 155-i daýys bergen.
Shardara aýdandyq aýmaqtyq saılaý komıssııasynyń málimetinshe, D.J.Jumadillaev úshin 7710 saılaýshy daýys bergen. Ekinshi úmitker B.D. Qaldybaevqa 1143 adam senim bildirgen. Al M.A.Ýtenov 1265 daýys jınaǵan. «Barlyǵyna qarsy» belgisi bar bıýlletender sany – 23.
– Saılaý nátıjesinde 1985 jyly týǵan, Shardara aýdandyq máslıhat apparatynyń basshysy, Shardara qalasynyń turǵyny, «AMANAT» partııasynan usynylǵan Dosbol Jumadillaev Shardara qalasynyń ákimi bolyp saılandy, – delingen aýdandyq aýmaqtyq saılaý komıssııasynyń resmı habarlamasynda.
Dosbol Jumadillaev buǵan deıin Shardara aýdandyq máslıhat apparatynyń basshysy qyzmetin atqarǵan.
Budan buryn Abaı oblysynda Besqaraǵaı aýdanynyń ákimi saılanǵanyn jazǵan edik.
