Túrkistan oblysynyń Saýran aýdanyna jańa ákim taǵaıyndaldy
Túrkistan oblysynyń Saýran aýdanyna jańa ákim taǵaıyndaldy, dep habarlaıdy Kazinform.
QR Prezıdenti Ákimshiliginiń jáne aýdandyq máslıxattyń kelisimimen Túrkistan oblysy ákimi Darhan Satybaldynyń ókimimen merıtokratııa qaǵıdatyna sáıkes Saýran aýdanynyń ákimi bolyp Maqsat Asylbekuly Tańǵatarov taǵaıyndaldy.
Aýdandy buǵan deıin basqarǵan Ǵalymjan Úsenbaev óz ótinishimen jumysynan bosatyldy.
Aımaq basshysy aýdannyń damýyna úles qosqan Ǵalymjan Úsenbaevqa alǵysyn aıtyp, jańa bastamalaryna sáttilik tiledi.
Oblys ákimi Darhan Satybaldy aýdan aktıvine jańa ákimdi tanystyryp, aldaǵy maqsat-mindetterin aıqyndap berdi.
Jańadan taǵaıyndalǵan aýdan ákimine basty nazar aýdaryp, atqarýdy qajet etetin máselelerdi sheshýdi mindettedi.
Maqsat Tańǵatarov 1981 jyly Túrkistan qalasynda dúnıege kelgen.
Qoja Ahmet ıAsaýı atyndaǵy halyqaralyq qazaq-túrik ýnıversıtetinde «ekonomıka» jáne «quqyqtaný» mamandyqtaryn meńgerdi.
Eńbek jolyn 2003 jyly Túrkistan qalalyq bilim bóliminde esepshi bolyp bastady. 2012-2017 jyldar aralyǵynda Túrkistan qalalyq ákimdiginiń ekonomıka jáne qarjy bóliminiń basshysy boldy.
2017-2019 jyldary Túrkistan qalasy ákiminiń orynbasary qyzmetin atqardy.
2019-2021 jyldar aralyǵynda Túrkistan qalasy ákimdiginiń týrızm bólimi, turǵyn úı-kommýnaldyq sharýashylyq bóliminde basshylyq laýazymdarda eńbek etti.
2021-2023 jyldary Túrkistan qalalyq máslıhatynyń hatshysy, 2023 jyldyń shilde aıynan beri Saýran aýdany ákiminiń orynbasary qyzmetin atqaryp keldi.
