Túrkistan oblysynyń oqýshysy UBT-dan eń joǵary 140 upaı jınady
TÚRKІSTAN. KAZINFORM — Ordabasy aýdanynyń turǵyny, Shoqan Ýálıhanov atyndaǵy mektep-gımnazııa túlegi Ábilhan Jánibek Ulttyq biryńǵaı testileýden eń joǵary nátıje — 140 upaı jınady.
Jánibek UBT-da beıindik pán retinde ınformatıkany tańdaǵan. Kópbalaly otbasynda tárbıelenip, óz kúshimen úzdik nátıjege jetken ol tabandylyqtyń, eńbekqorlyq pen júıeli daıyndyqtyń úlgisin kórsetti.
— Jánibek Asqaruly — óz armanyna senimmen qadam basqan, jaýapkershiligi joǵary, ýaqytty tıimdi paıdalana biletin izdenimpaz jas. Onyń bul jetistigi ózge oqýshylarǵa úlken úlgi bola alady. Biz Jánibekti shyn júrekten quttyqtap, aldaǵy bilim jolynda bıik belesterden kórine berýine tilektestik bildiremiz, — delingen Túrkistan oblysy Bilim basqarmasy taratqan habarlamada.
Jánibek 1-synyptan bastap atalǵan mektepte oqyp, bilimge degen erekshe yntasymen, úzdik úlgerimimen kózge túsken. Mektep dırektory Sáýle Isanova bolsa, al synyp jetekshisi — Gúlzıra Bortaı.
Aıta keteıik, budan buryn Aqtaýda jol kólik apatyna túsken oqýshylardyń biriniń jaǵdaıy turaqtalǵanyn jazǵan bolatynbyz.