Túrkistan oblysynyń mádenıet basqarmasyna jańa basshy taǵaıyndaldy
TÚRKІSTAN. KAZINFORM — Baqytjan Sadyqov 2026 jyldyń sáýir aıynan búgingi kúnge deıin Túrkistan oblysy ákiminiń shtattan tys keńesshisi qyzmetin atqardy.
QR Memlekettik qyzmet isteri agenttiginiń kelisimimen jáne oblys ákimi Nuralhan Kósherovtiń ókimimen Túrkistan oblysy mádenıet basqarmasynyń basshysy laýazymyna Baqytjan Sadyqov taǵaıyndaldy.
Jańa basshyny mádenıet salasynyń qyzmetkerlerine oblys ákiminiń orynbasary Ertaı Altaev tanystyrdy. Oblys ákiminiń orynbasary óńirdegi mádenıet nysandarynyń jaı-kúıine keshendi taldaý júrgizý jáne salanyń ózekti máselelerin júıeli túrde sheshý qajettigin atap ótti.
Sondaı-aq jas talanttardy qoldaýǵa baǵyttalǵan óner baıqaýlaryn, týrısterdiń qyzyǵýshylyǵyn arttyratyn aýqymdy festıvalder men mádenı jobalardy turaqty jáne sapaly túrde uıymdastyrý tapsyryldy.
Baqytjan Shynarbaıuly Sadyqov 1982 jyly Ońtústik Qazaqstan oblysynyń Qazyǵurt aýdanynda dúnıege kelgen. Bilimi joǵary. 2003 jyly M.Áýezov atyndaǵy Ońtústik Qazaqstan memlekettik ýnıversıtetin «Qarjy jáne nesıe» mamandyǵy boıynsha, 2016 jyly Shymkent ýnıversıtetin «Quqyqtaný» mamandyǵy boıynsha támamdaǵan.
Eńbek jolyn 2003 jyly Aýyl sharýashylyǵy mınıstrliginiń Astana qalasy boıynsha aýmaqtyq basqarmasy býhgalterlik esep jáne qarjylandyrý bóliminiń jetekshi mamany bolyp bastaǵan.
2007-2009 jyldar aralyǵynda Kvazımemlekettik sektorlarda, JShS-terde, Aýyldyq okrýgi ákiminiń apparattarynda, Aýyl sharýashylyǵy, Mádenıet jáne aqparat, Mádenıet jáne sport mınıstrlikterinde jáne Memlekettik qyzmet isteri jáne sybaılas jemqorlyqqa qarsy is-qımyl agenttiginiń Qaraǵandy oblysy boıynsha departamentinde túrli basshy laýazymdarda qyzmet atqarǵan.
Sonymen qatar 2026 jyldyń sáýir aıynan búgingi kúnge deıin Túrkistan oblysy ákiminiń shtattan tys keńesshisi qyzmetin atqaryp keldi.
Buǵan deıin Almaty oblysynyń kásipkerlik basqarmasyna jańa basshy taǵaıyndalǵanyn jazǵan edik.
