Túrkistan oblysynyń egis alqaptarynyń tuzyn shaıý úshin 330 mln tekshe metr sý berildi

ASTANA. KAZINFORM — Túrkistan oblysynyń «Qazsýshar» fılıaly bıyl sor shaıý jumystaryna 330 mln tekshe metr sý jiberdi. Bul topyraqtyń qunarlyǵyn arttyryp, jaqsy ónim alý úshin jasalady. Bul týraly QR Sý resýrstary jáne ırrıgatsııa mınıstrligi málim etti.

Búgingi tańda Maqtaral jáne Jetisaı aýdandary boıynsha qysqy sor shaıý jospary 80%-ǵa jýyq oryndaldy. Maqtaral aýdanynda josparlanǵan 43 600 gektar jerdiń 34 456 gektary tuzdan tazartyldy. Jetisaı aýdanynda 53 myń gektar jerdiń 42 myń gektarynyń sory shaıyldy.

— Topyraq tuzynan qutylýdyń birden-bir joly — sor shaıý. Osy rette jerdiń tuzdaný dárejesine jáne topyraqtyń mehanıkalyq quramyna baılanysty sor shaıý ýaqyty men mólsherin durys anyqtaý óte mańyzdy. Fılıal sor shaıý jumystaryn naýryz aıynyń alǵashqy onkúndiginde aıaqtaýdy josparlap otyr, — dedi Túrkistan oblysynyń «Qazsýshar» fılıalynyń dırektory Qazybek Bedebaev.

Eske sala keteıik, buǵan deıin elimizdegi sý resýrstary boıynsha aqparattyq júıe ázirlengenin jazǵan bolatynbyz.