Túrkistan oblysynyń dıqandary qaýynnyń alǵashqy ónimin jınaı bastady
ASTANA. KAZINFORM — Túrkistan oblysynyń Jetisaı aýdanyndaǵy sharýalar bıylǵy alǵashqy qaýyn ónimin jınaı bastady. Bul týraly Sý resýrstary jáne ırrıgatsııa mınıstrliginiń baspasóz qyzmeti habarlady.
«Ál-Farabı» sharýa qojalyǵy K-34 kanal arqyly sý alady. Dıqan egis alqaptaryna sýdyń turaqty jetkizilýin qamtamasyz etkeni úshin jergilikti «Qazsýshar» fılıalyna alǵys bildirdi. Jalpy alǵanda egis alqabynan 65 tonna ónim jınaldy.
— 20 gektar jerge qaýyn ektik. Sý jetkilikti boldy, eshqandaı tapshylyq kórgen joqpyz. Sý úzdiksiz berildi. Ýaqytyly sýarýdyń arqasynda mol ári erte ónim alyp otyrmyz. Atqarylǵan jumys úshin Sý resýrstary jáne ırrıgatsııa mınıstrligine rızashylyǵymyzdy bildiremiz, — dedi «Ál-Farabı» sharýa qojalyǵynyń tóraǵasy Ál-Farabı Anarbaıuly.
Jyl basynan beri Túrkistan oblysynyń aýyl sharýashylyǵy qajettilikterine 1 mlrd tekshe metrden astam sý berilgen. Onyń 293 mln tekshe metri Jetisaı aýdanyna tıesili. Aýdanda baqsha daqyldaryn sýarýǵa 49 mln tekshe metr sý jiberildi. Baqsha daqyldaryn sýarý jumystary jalǵasyp jatyr.
Aıta ketelik Sý resýrstary jáne ırrıgatsııa mınıstri Nurjan Nurjigitov 2026 jylǵy maýsym–tamyz aılarynda «Bahrı-Tochık» sý qoımasynyń jumys rejımin kelisý máselesine arnalǵan Qazaqstan, Tájikstan jáne Ózbekstan sý sharýashylyǵy jáne energetıka vedomstvolary men uıymdarynyń otyrysyna qatysqan edi.
