Túrkistan oblysynyń birneshe aýdany aýyz sýmen qamtamasyz etiledi
TÚRKІSTAN. KAZINFORM — Sý resýrstary jáne ırrıgatsııa mınıstrligi Túrkistan oblysyndaǵy Ógem ózeninde GES kaskadymen birge toptyq sý qubyryn salý jobasyna jeke ınvestıtsııa tartty.
Joba aıasynda uzyndyǵy 12 shaqyrymdyq týnnel qazý, uzyndyǵy 40 shaqyrym bolatyn sý qubyryn, sý jınaý qoımasyn jáne Qazyǵurt aýdanynyń Jańabazar aýylyndaǵy sý tazartý stantsııasyn salý, sondaı-aq bes shaǵyn gıdroelektr stantsııasynan turatyn kaskad salý kózdelgen.
Bul joba Túrkistan oblysynyń Saryaǵash, Keles, Qazyǵurt, Jetisaı jáne Maqtaaral aýdandaryn aýyz sýmen qamtamasyz etýge baǵyttalǵan. Jobanyń qýattylyǵy — jylyna 110 mln tekshe metr aýyz sý jáne saǵatyna 72 megavatt elektr energııasy. Bul óńirge qosymsha energetıkalyq qýat beredi.
— Mınıstrlik Qazaqstannyń sý sharýashylyǵyna jeke ınvestıtsııa tartý boıynsha belsendi jumys istep jatyr. Jobany iske asyrý 600-den astam jumys ornyn ashýǵa múmkindik beredi, onyń ishinde 500-i ýaqytsha jáne 160-y turaqty jumys orny. Búginde jobanyń tehnıkalyq-ekonomıkalyq negizdemesi ázirlendi, — dedi Sý resýrstary jáne ırrıgatsııa vıtse-mınıstri Erbolat Ibraıhanov.
Aıta ketelik Sý resýrstary mınıstrligi 1,3 mln adamdy aýyz sýmen qamtý úshin 2500 shaqyrym sý qubyryn salyp jatqany týraly jazǵan edik.