Túrkistan oblysynyń birqatar qalasynda referendýmǵa oraı qoǵamdyq kólikter tegin qatynap jatyr
TÚRKІSTAN. KAZINFORM – Búgin respýblıkalyq referendýmǵa baılanysty Túrkistan oblysynyń birqatar qalasynda qoǵamdyq kólikter tegin qyzmet kórsetip jatyr.
Atap aıtqanda, bul is-shara Túrkistan, Saryaǵash, Shardara, Kentaý, Arys qalalarynda uıymdastyryldy. Atalǵan bastama turǵyndardyń mańyzdy saıası naýqanǵa qatysýyna qolaıly jaǵdaı jasaý maqsatynda qolǵa alynyp otyr.
Jalpy Túrkistan oblysynda 1 187 257 azamattyń referendýmda daýys berýge quqyǵy bar. Bul – óńir halqynyń 55,4 paıyzy.
Óńirde 947 referendým ýchaskesi jumys isteıdi. Onyń 25-i – jabyq ýchaske.
Referendýmǵa oblys boıynsha jalpy 6 380 komıssııa múshesi tartylǵan. Olardyń 97 paıyzy referendýmdar men túrli deńgeıdegi saılaý naýqandaryn ótkizýde tájirıbesi bar.
– Oblysta eń kóp saılaý ýchaskesi – Saıram aýdanynda. Munda 89 ýchaske bar. Odan keıin Saryaǵashta – 82, Jetisaıda – 75, Tólebıde – 69, al Túrkistan qalasynda 65 saılaý ýchaskesi tirkelgen, – dep habarlady Túrkistan oblystyq aýmaqtyq referendým komıssııasy.
Aıta keteıik, búgin óńirdegi barlyq daýys berý ýchaskelerinde turǵyndar tańǵy saǵat 07:00-den keshki 20:00-ge deıin daýys bere alady.
Budan buryn elimizdegi barlyq ýchaskede daýys berý júrip jatqanyn jazǵan edik.
