Túrkistan oblysynyń aýyl sharýashylyǵy basqarmasyna jańa basshy keldi

TÚRKІSTAN. KAZINFORM - Túrkistan oblysynyń aýyl sharýashylyǵy basqarmasynyń basshysy laýazymyna Faızýlla Baıdýllaev taǵaıyndaldy.

Basqarma basshysyn ujymǵa oblys ákimi apparatynyń basshysy Erkebulan Daýylbaev tanystyryp, jumysyna sáttilik tiledi.

Faızýlla Baıdýllaev 1985 jyly Shymkent qalasynda dúnıege kelgen. Bilimi – joǵary. M.Áýezov atyndaǵy Ońtústik Qazaqstan memlekettik ýnıversıtetinde «Bank isi» mamandyǵy boıynsha jáne Shymkent ýnıversıtetinde «Quqyqtaný» mamandyǵy boıynsha bilim alǵan.

Eńbek jolyn 2005 jyly «Alıans Bank» AQ – EQDB sektorynyń mamany bolyp bastady. 2007-2009 jyldar aralyǵynda «Alıans Bank» AQ – EQDB sektorynyń bas mamany bolyp jumys istedi. 2009-2016 jyldary «Agrarlyq kredıttik korporatsııa» AQ OQO boıynsha fılıalynyń KT arqyly kredıtteý bóliminiń jetekshi mamany, Kredıtteý bóliminiń bas mamany, Kredıttik seriktestikteriniń konsýltanty, 2016-2019 jyldar aralyǵynda «Agrarlyq kredıttik korporatsııa» AQ Túrkistan oblysy boıynsha fılıaly dırektorynyń orynbasary laýazymdarynda qyzmet atqardy. 2019-2022 jyldary «Agrarlyq kredıttik korporatsııa» AQ Túrkistan oblysy boıynsha fılıalynyń dırektory boldy. 2022 jyly Ordabasy aýdany ákiminiń keńesshisi, 2022 jyldyń qazan aıynan bastap búgingi kúnge deıin «Túrkistan» ÁKK» AQ Basqarma tóraǵasy laýazymynda eńbek etti.

Aıta keteıik, budan buryn «Astana» fýtbol klýbyna jańa bas dırektor kelgenin jazǵan bolatynbyz.