Túrkistan oblysynyń aýyl sharýashylyǵy basqarmasyna jańa basshy keldi
TÚRKІSTAN. KAZINFORM — Oblys ákimi Nuralhan Kósherovtiń ókimimen Túrkistan oblysynyń aýyl sharýashylyǵy basqarmasynyń basshysy bolyp Álibek Plalov taǵaıyndaldy.
Álibek Ábdihalyquly Plalov 1991 jyly dúnıege kelgen. 2013 jyly M.Áýezov atyndaǵy Ońtústik Qazaqstan memlekettik ýnıversıtetin «Agronomııa» mamandyǵy boıynsha, 2019 jyly Aımaqtyq áleýmettik-ınnovatsııalyq ýnıversıtetin «Ekonomıka» mamandyǵy boıynsha támamdaǵan.
Eńbek jolyn 2014 jyly Ońtústik Qazaqstan oblysy aýyl sharýashylyǵy basqarmasynda operator qyzmetinen bastaǵan. 2014-2015 jyldary Ońtústik Qazaqstan oblysy aýyl sharýashylyǵy basqarmasynyń mehanıkalandyrý bóliminde jetekshi mamannyń mindetin atqarýshy, jetekshi maman jáne bas maman qyzmetterin atqarǵan.
Sondaı-aq 2016-2018 jyldary OQO aýyl sharýashylyǵy basqarmasynyń kooperatsııalaýdy damytý bóliminde, keıin egin sharýashylyǵyn damytý jáne mehanıkalandyrý bóliminde bas maman, 2018-2019 jyldary Túrkistan oblysy aýyl sharýashylyǵy basqarmasynyń egin sharýashylyǵyn damytý jáne mehanıkalandyrý bóliminiń bas mamany jáne 2019 jylǵy jeltoqsannan 2020 jylǵy naýryzǵa deıin atalǵan bólimniń basshysy bolǵan.
2020 jylǵy naýryzdan 2023 jylǵy maýsymǵa deıin Túrkistan oblysy aýyl sharýashylyǵy basqarmasynyń ósimdik sharýashylyǵy ónimderin óndirý jáne qaıta óńdeý bóliminiń basshysy, 2023 jylǵy maýsymnan 2026 jylǵy maýsymǵa deıin Túrkistan oblysy aýyl sharýashylyǵy basqarmasy basshysynyń orynbasary laýazymynda eńbek etti.
Buǵan deıin Qarjylyq monıtorıng agenttiginiń 8 óńirlik departamentine jańa basshylar taǵaıyndalǵany týraly jazǵan edik.
