Túrkistan oblysynyń aýyl aımaqtarynda daǵdarys ortalyqtary ashylady
ASTANA. KAZINFORM – Túrkistanda ótken turmystyq zorlyq-zombylyqtyń aldyn alý jónindegi birinshi Respýblıkalyq forýmda osy óńirdiń aýyl aımaqtarynda daǵdarys ortalyqtary ashylatyny sóz boldy. Bul týraly Polisis.kz saıty jazdy.
«Baqytty otbasy — bolashaqtyń kepili» atty aýqymdy respýblıkalyq forým ótti. Bul osyndaı alǵashqy is-shara. Oǵan oblys ákimi, polıtsııa qyzmetkerleri, depýtattar, qoǵam qaıratkerleri, ártister, Bala quqyqtary jónindegi ýákil, Túrkistan turǵyndary men esepte turǵan otbasylar qatysty.
Olardyń barlyǵy turmystyq zorlyq-zombylyqqa qatysty máselelerdi qalaı sheshýge bolatyndyǵy týraly aıtty. Múddeli organdar oblystyń 17 aýdany men qalalarynda daǵdarys ortalyqtaryn salýǵa, alkogolden bas tartyp nátıjesinde birde-bir qylmys tirkelmegen aýyldardyń sanyn kóbeıtýge, sondaı-aq túrli aldyn alý sharalaryn kúsheıtýge kelisti.
