Túrkistan oblysynyń ákimi Ulybrıtanııanyń Qazaqstandaǵy elshisi Ketı Lıchpen kezdesti
TÚRKІSTAN. KAZINFORM - Búgin Túrkistanǵa Ulybrıtanııanyń Qazaqstandaǵy elshisi Ketı Lıch pen Halyqaralyq Kóshi-qon uıymy mıssııasynyń basshysy Serhan Aktoprak keldi.
Oblys ákimi Darhan Satybaldy óńirge kelgen qonaqtarmen kezdesip, birqatar máseleni jan-jaqty talqylady.
«Sizderdi Túrkistan tórinde kórgenime qýanyshtymyn. Kıeli óńirimizge qosh keldińizder! Bizdiń oblystyń turǵyndary rasynda óte eńbekqor. Qaı jerge barmasyn, top jaryp shyǵady. Ózderińiz bilesizder, Túrkistan óńirinde halyq tyǵyz ornalasqan. Onyń ishinde 80 paıyzdan astamy aýylda turady. Bul – elimizdegi oblystar arasynda eń joǵary kórsetkish jáne óńirimiz aýyl sharýashylyǵy baǵytynda kósh bastap tur. Oblysymyzdyń ekonomıkalyq-áleýmettik kórsetkishteri de, týrıstik áleýeti de jaqsaryp keledi. Búgin ashylǵaly otyrǵan ortalyqtyń jumyssyzdyqty azaıtýǵa úlesi zor deýge bolady. Qazaqstan eńbekshi kóship-qonýshylardyń quqyqtary men ál-aýqatyn jaqsartýǵa, qorǵaýǵa, olardy kóshi-qonnyń neǵurlym qaýipsiz jáne nátıjeli tájirıbesi úshin qajetti bilimmen jáne resýrstarmen qamtamasyz etýge mindettenedi. Eńbek mobıldiligi ortalyǵynyń bilikti qyzmetkerleri mıgranttarǵa ómirlik mańyzdy aqparat bere otyryp, ortalyqtandyrylǵan torap retinde áreket etedi dep senemin», – dedi Darhan Satybaldy.
HKU Ulybrıtanııa úkimetiniń qarjylyq qoldaýymen eńbek mobıldiligi ortalyǵyna áleýetti arttyrýǵa kómek kórsetedi. Osyǵan toqtalǵan Ulybrıtanııanyń Qazaqstandaǵy elshisi Ketı Túrkistan óńiriniń áleýetine joǵary baǵasyn berdi. Atalǵan ortalyq Ulybrıtanııaǵa jumys isteýge nıet etken turǵyndarǵa jan-jaqty kómek kórsetetinin jetkizdi.
Al Qazaqstandaǵy HKU mıssııasynyń basshysy, Ortalyq Azııa boıynsha úılestirýshisi Serhan Aktoprak mundaı ortalyqtyń kóshi-qonǵa daıyndyq kezinde mańyzy zor ekenin aıtty. Eńbekshi mıgranttardyń jańa ortaǵa tez beıimdelip, aldyn ala maǵlumat alatynyn atap ótti.
Aıta keteıik, qonaqtar ári qaraı shet elderdegi jumystarǵa jergilikti azamattardy joldaýǵa baǵyttalǵan «Aldyn ala daıarlyq ortalyǵyn» ashý saltanatynyń lentasyn qııý rásimine qatysady. Sonymen qatar ortalyqtyń qyzmetimen tanysyp, shetelde jumys isteýge nıetti azamattarmen pikir almasady. Túrkistandaǵy «Eńbek mobıldiligi ortalyǵy» bazasynda ashylatyn ortalyq qazaqstandyq eńbekshi mıgranttarǵa konsýltatsııalyq qoldaý kórsetedi.
«Ortalyq Azııadan Ulybrıtanııaǵa maýsymdyq jumysshylardyń qaýipsiz kóshi-qony» jobalyq is-sharasy aıasynda «Eńbek mobıldiligi ortalyǵynda» uıymdastyrylatyn baspasóz-konferentsııasynan soń QR Prezıdenti janyndaǵy memlekettik basqarý Akademııasynyń Túrkistan oblysy boıynsha fılıalyna barady. Onda trenerlerdi daıarlaý protsesimen tanysyp, trenerlerdiń alǵashqy sessııasyna qatysady. Sodan soń Q.ıAsaýı kesenesi men shahardaǵy týrıstik oryndardy aralamaq», - dep habarlaıdy Túrkistan oblysy ákiminiń baspasóz qyzmeti.
