Túrkistan oblysynyń 4 aýdanynda ákim saılaýy ótip jatyr

Búgin Túrkistan oblysyndaǵy Sozaq, Maqtaaral jáne Báıdibek aýdandarynda ákim saılaýy ótýde, dep habarlaıdy Kazinform.

Óńirlerdegi saılaý ýchaskelerinde tańǵy saǵat 7:00-de elimizdiń Ánurany oryndalyp, saılaý naýqany bastalyp ketti. Daýys berýshilerdiń belsendiligi joǵary. Ýchaskelerde alǵashqy kelýshilerge estelik syılyqtar tabys etildi.

Sozaq aýdanynda 35 715 azamat saılaý quqyǵyna ıe. Al, Maqtaaral aýdanynda 70 648, Báıdibek aýdanynda 28 807, Shardara aýdanynda 44 109 saılaýshy bar.

Óńirdegi saılaý ýchaskeleri ınternet, baılanys telefony, baqylaý kameralary men basqa da arnaıy qural jabdyqtarmen tolyq qamtylǵan. Sonymen qatar, múmkindigi shekteýli azamattardyń daýys berýine barlyq jaǵdaı jasalǵan.