Túrkistan oblysynyń 28 jastaǵy turǵyny úshem dúnıege ákelip, kópbalaly ana atandy
TÚRKІSTAN. KAZINFORM – Túrkistan oblysy Ordabasy aýdanynyń Kóktóbe aýylynda turatyn 28 jastaǵy Janar Anarqul úshem dúnıege ákelip, kópbalaly ana atandy.
Jas ana júktiliktiń 34-aptasynda merziminen buryn bosanyp, Almaty oblysyndaǵy perzenthanada josparly kesar tiligi arqyly úsh qyz balany ómirge ákeldi. Nárestelerdiń týǵan kezdegi salmaǵy 1650, 1600 jáne 1780 gramm bolǵan.
– Qazirgi ýaqytta ana men nárestelerdiń jaǵdaıy jaqsy. Otbasy sábılerine Daıana, Dıana jáne Darııa esimderin qoıdy, – dep habarlady oblystyq densaýlyq saqtaý basqarmasy.
Úshemdi dúnıege ákelgen anany Ordabasy kópbeıindi aýdandyq ortalyq aýrýhanasynyń basshysy Raıymbek Tasyrbaev arnaıy quttyqtap, izgi tilegin jetkizip, syı-sııapat tabystady.
Budan buryn Túrkistan turǵyny 35 jasynda alǵash ana atanyp, úshem dúnıege ákelgeni týraly jazǵan edik.
