Túrkistan oblysyndaǵy trassalarda júk kólikteri úshin qozǵalys shekteldi
TÚRKІSTAN. KAZINFORM — Respýblıkalyq mańyzy bar joldarda júk kólikteri úshin qozǵalys shekteldi. Bul týraly Túrkistan oblysy polıtsııa departamentiniń baspasóz qyzmeti málimdedi.
Tuman túsip, qardyń burqasyndatyp jaýýyna baılanysty Túrkistan oblysymen shekaralas Jambyl oblysynyń aýmaǵyndaǵy avtojoldarda kólik júrýi qıyndaı tústi. Sol sebepti, «Tashkent — Shymkent — Taraz — Almaty-Horgos» respýblıkalyq mańyzy bar avtojolynyń 593-620 shaqyrym ýchaskesinde júk kólikterine qozǵalys shekteldi. Bul Jambyl oblysy men Túrkistan oblysyna qarasty Túlkibas aýdany T.Rysqulov aýylynyń aýmaǵyn qamtıdy.
«Polıtsııa qyzmetkerleri júrgizýshilerge jolda muqııat bolýdy eskertedi. Asa qajettilik bolmasa alys jolǵa shyqpaýlaryńyzdy suraımyz. Sondaı-aq, jol erejelerin saqtap júrý qajet. Al, jazǵy dońǵalaqtarmen múldem jolǵa shyǵýǵa bolmaıdy» - delingen Túrkistan oblysy polıtsııa departamentiniń baspasóz qyzmeti taratqan aqparatta.
