Túrkistan oblysyndaǵy órtten zardap shekken 7 jasar qyz kóz jumdy
TÚRKІSTAN. KAZINFORM – Túrkistan oblysynyń Alǵabas aýylynda turǵyn úıden shyqqan órtten zardap shekken 7 jasar qyz kóz jumdy. Bul týraly Túrkistan oblysynyń densaýlyq saqtaý basqarmasy habarlady.
– 2025 jyldyń 30 qarashasynda Jetisaı aýdanynda bolǵan órt saldarynan aýrýhanaǵa óte aýyr jaǵdaıda jetkizilgen 2018 jylǵy qyz kóz jumdy. Kórsetilgen ıntensıvti terapııaǵa, beıindi mamandardyń (sonyń ishinde respýblıkalyq sanıtarlyq avıatsııanyń 4-deńgeı mamandarynyń) keńesterine, reanımatsııalyq jáne dezıntoksıkatsııalyq sharalardyń tolyq kesheniniń júrgizilýine qaramastan, ortalyq júıke júıesine aýyr zaqym kelgen qyzdy aman alyp qalý múmkin bolmady. Marqumnyń týǵan-týystaryna jáne jaqyndaryna shyn júrekten kóńil aıtamyz, – delingen resmı habarlamada.
Aıta ketsek, órtten qaza tapqan 13-shi adamnyń denesi jedel járdem kóligimen aýylyna jetkizildi, búgin saǵat 12:00-de janazasy oqylyp, jer qoınyna tapsyryldy.
Budan buryn Túrkistan oblysynda turǵyn úıde bolǵan órtten 12 adam mert bolǵanyn jazǵan edik.
21 qarasha kúni 7 jasar jetkinshek Jetisaıdan tikushaqpen Shymkentke jetkizildi.
Túrkistan oblysyndaǵy órtten zardap shekken balanyń jaǵdaıy aýyr ekenin habarlaǵan bolatynbyz.