Túrkistan oblysyndaǵy órt: 7 jasar jetkinshek Shymkentke jetkizildi
TÚRKІSTAN. KAZINFORM – «Qazavıaqutqarý» TJM avıatsııalyq qyzmeti Túrkistan oblysynyń Jetisaı aýdanynan Shymkent qalasyna kezekti sanıtarlyq reıs oryndady.
Sanıtarlyq reıs «Ulttyq shuǵyl medıtsınany úılestirý ortalyǵy» RMQK-nyń úılestirýimen uıymdastyryldy. Reıs barysynda Túrkistan oblysyndaǵy órt saldarynan zardap shekken, 2018 jyly týǵan jetkinshekti Shymkent qalasyndaǵy gıperbarııalyq oksıgenatsııa ortalyǵyna jetkizildi.
- Gıperbarııalyq ortalyq Shymkentte ornalasqan, al Jetisaı aýdanynda shuǵyl medıtsınalyq kómek kórsetýge qajetti arnaıy jabdyqtar jetkiliksiz bolǵandyqtan, naýqasty tasymaldaý qajet boldy. Ekıpaj sanıtarlyq reısti sátti oryndap, barlyq qaýipsizdik sharalaryn saqtaı otyryp, zardap shekken azamatshany mejeli jerge jetkizdi, - delingen oblystyq Tótenshe jaǵdaılar departamenti taratqan aqparatta.
Qoný sátinen keıin azamatsha arnaıy mamandandyrylǵan dárigerlerdiń baqylaýyna tapsyryldy.
Eske sala ketsek, 18 qarasha kúni Jetisaı aýdanynyń Alǵabas aýylynda eki qabatty jeke turǵyn úı órtenip, 12 adam mert boldy.
Prezıdent Qasym-Jomart Toqaev Túrkistan oblysy Jetisaı aýdanyndaǵy jeke úıde bolǵan órttiń saldarynan kóptegen adamnyń qaza tabýyna baılanysty kóńil aıtty.
Úkimet pen Túrkistan oblysynyń ákimine zardap shekken azamattardyń týǵan-týystaryna barlyq qajetti kómek kórsetip, qaıǵyly oqıǵany jan-jaqty tekserýdi tapsyrdy.
Prezıdenttiń tapsyrmasy boıynsha Túrkistan oblysyndaǵy órtke baılanysty Úkimettik komıssııa qurylǵany anyqtaldy.
Oblys ákimdigi tarapynan zardap shekkender men qaza tapqandardyń otbasylaryna barlyq qajetti medıtsınalyq, psıhologııalyq jáne áleýmettik kómek kórsetilip jatyr. Sonymen birge marqumdardy jerleý rásimin uıymdastyrýǵa tolyqtaı qoldaý jasaldy.
Órtten keıin medıtsınalyq mekemege jetkizilgen úsh adamnyń bireýi esin jıdy.
Vıtse-premer Qanat Bozymbaev órttiń sebebin tergep-tekserý boıynsha qurylǵan Úkimettik komıssııa múshelerine birqatar tapsyrma berdi.
Túrkistan oblysynda 12 adamnyń ómirin qıǵan órttiń aldyn ala sebebi aıtyldy.
Jetisaıdaǵy órtten zardap shekken naýqas Shymkentke jetkizilgen bolatyn.
Keshe Jetisaıdaǵy órtten aman qalǵan áıel adam Shymkentke jetkizilgen bolatyn.