Túrkistan oblysyndaǵy mektepte 20-dan astam ult ókili bilim alyp jatyr
ASTANA. KAZINFORM – Túrkistan oblysy Tóle bı aýdanyndaǵy №5 mektep-gımnazııa - birlik pen tatýlyqtyń jarqyn úlgisin kórsetip otyrǵan irgeli bilim ordasy. Búginde munda 20-dan astam ult ókiliniń balalary bilim alyp, ártúrli mádenıet pen dástúr toǵysqan ortada tárbıelenýde.
Oqýshylar qatarynda qazaq, orys, ózbek, túrik, ázerbaıjan, tatar, káris, sheshen, ýkraın, qyrǵyz, nemis, kúrd, belarýs, uıǵyr, tájik, grýzın, bashqurt, grek, ıran jáne ózge de ult ókilderi bar.
Mektep ujymynda 11 ulttyń muǵalimi qajyrly eńbek etýde. Bul ustazdardy biriktiretin ortaq qundylyq - sanaly urpaq tárbıesi. Ustazdardyń kásibıligi men ózara yntymaǵy, ortaq maqsattary - bilim ordasynyń turaqty damýy men jetistiginiń negizi.
Ujym músheleri bir-birine qurmetpen qarap, qoldaý kórsetip, ortaq maqsatqa jetý jolynda birlese eńbek etýde. Osyndaı ózara syılastyq pen túsinistik atmosferasy mekteptiń rýhanı negizin nyǵaıta túsýde.
Aıta ketelik Ulttyq ulanda 30 túrli ult ókilderi qyzmet etedi.
