Túrkistan oblysyndaǵy mektep aýlalaryna 10 myńnan astam qus uıasy ornatyldy
TÚRKІSTAN. KAZINFORM – Mektep janyndaǵy aǵashtarǵa ornatylǵan uıalardy kórkem eńbek pániniń muǵalimderi men oqýshylar ázirledi.
«Biz qamqorshy balamyz, qustarǵa uıa salamyz!» uranymen ótken is-shara barysynda óńirdegi 1 040 mekteptiń aýlasyndaǵy aǵashtarǵa 10 myńnan astam qus uıasy ornatyldy. Sondaı-aq onda jem shashatyn ydystar qoıylyp, oǵan qus azyqtary salyndy.
«Kóktemniń alǵashqy jarshysy qustarǵa qamqor bola bilý – balalardy uıymshyldyqqa, birlesip eńbek etýge tárbıeleıdi. Muny búgingi ótken ekologııalyq is-sharadan aıqyn baıqaýǵa bolady. Naýqan sheńberinde jas býynnyń qustarǵa qamqorlyq tanytyp, óz qoldarymen azyq berip, uıa jasap jatqany kópshilikti qýantty. Osyndaı ıgi bastama aldaǵy ýaqytta da jalǵasyn taba bermek», - dedi oblystyq «Bilim berýdi damytý ortalyǵy» KMM ádiskeri Nuǵman Arhabaev.
