Túrkistan oblysyndaǵy maqta klasterine 1400 jumysshy qajet

TÚRKІSTAN. KAZINFORM - Árbir mamanǵa 300 000 – 350 000 teńge aralyǵynda jalaqy beriledi. 

Arys qalasy men Otyrar aýdanyndaǵy 32 myń gektar alqapqa maqta klasteri qurylady. Búginde bul baǵyttaǵy jumystar bastalyp ta ketti. Atalǵan joba aıasynda «Altyn Maqta» JShS-ne 1400 jumysshy maman qajet.

Atap aıtar bolsaq, 50 – traktor júrgizýshisi, 250 – júk tıeýshi, 300 – dán sebý kezindegi jumysshylar, 400 – tamshylatyp sýarý júıesin jalǵaýshylar, 400 – egistik alqabyn baqylaýshy kerek. 

- Árbir mamanǵa 300 000 – 350 000 teńge aralyǵynda jalaqy beriledi. Basqa aýdan, qalalardan keletinderge turatyn jer men úsh mezgil tamaq qarastyrylǵan. Basty mindetimiz - árbir jumyssyz azamattyń turaqty jumysqa ornalasyp, laıyqty ómir súrýine jaǵdaı jasaý, – deıdi oblystyq eńbek mobıldi ortalyǵynyń dırektory Abzal Dáýletuly. 

Aıta keteıik, budan buryn Túrkistan oblysynda egin egetin jerdiń 32 paıyzy sorlanyp ketkenin jazǵan bolatynbyz.