Túrkistan oblysyndaǵy kóppáterli turǵyn úılerdiń birinde gaz jarylysy boldy
TÚRKІSTAN. KAZINFORM — Otyrar aýdanynyń Sháýildir aýylyndaǵy kóppáterli turǵyn úılerdiń birinde gaz-aýa qospasynyń jarylysy boldy. Aldyn ala málimet boıynsha, jarylystyń sebebi — gaz júıesine ózdiginen qosylý áreketinen bolǵan. Bul týraly «QazaqGaz Aimaq» aktsıonerlik qoǵamynyń baspasóz qyzmeti málim etti.
Oqıǵa saldarynan bir adam jaraqat aldy, birneshe páterge zııan kelgeni tirkeldi. Gaz berý ýaqytsha toqtatyldy, jelilerge tekserý jumystary júrgizilip jatyr.
— Gazǵa óz betimen qosylýǵa qatań tyıym salynady, adamdardyń ómiri men qaýipsizdigine zor qaýip tóndiredi. Gaz jabdyǵyn qosý men qyzmet kórsetý jumystaryn tek lıtsenzııasy bar mamandar ǵana júrgizýi tıis, — dep eskertti «QazaqGaz Aimaq» AQ.
Buǵan deıin Túrkistan oblysynda 1 kent pen 32 eldimekenge gaz berý ýaqytsha toqtatylǵanyn jazǵan edik.