Túrkistan oblysyndaǵy «Qyran» fýtbol klýbynyń 101,2 mln teńge jalaqy qaryzy bar
TÚRKІSTAN. KAZINFORM — Fýtbol klýby 44 jumyskerdiń jalaqysyn tólemegen.
Eńbek jáne halyqty qorǵaý mınıstrligi Memlekettik eńbek ınspektsııasy komıteti Túrkistan oblysy boıynsha departamentiniń málimetinshe, jyldyń alǵashqy úsh aıynda óńirde jalaqy qaryzy bar kásiporyndar men mekemeler anyqtalmaǵan.
Alaıda eki jyldan beri qyzmetkerlerge jalaqy boıynsha mıllıondaǵan teńge bereshegi qordalanǵan bir mekeme baqylaýǵa alynǵan.
Departament basshysynyń orynbasary Murat Tólendıevtyń aıtýynsha, qazirgi tańda «Qyran» fýtbol klýbynyń 44 jumyskerge 2024 jyldan ótpeli 101,2 mln teńge jalaqy qaryzy bar.
— Atalǵan jaıt boıynsha mekeme basshylyǵyna oryndalýy mindetti nusqamalar berilip, ákimshilik sharalar qoldanyldy. Sot oryndaýshylary tarapynan atqarýshylyq is júrgizý aıasynda mekemeniń esepshottary buǵattalyp, óndirip alý jumystary jalǵasyp jatyr, — dedi ol baspasóz máslıhatynda.
Sondaı-aq spıker bul másele túpkilikti sheshilgenge deıin departamenttiń qatań baqylaýynda bolatynyn atap ótti.
Budan buryn «Turan» fýtbol klýbynyń jańa bas bapkeri taǵaıyndalǵanyn jazǵan edik.
