Túrkistan oblysyndaǵy «Qaplanbek» ótkizý beketinde janjal týyp, polıtsııa is qozǵady
TÚRKІSTAN. KAZINFORM– Túrkistan oblysynyń Saryaǵash aýdanyndaǵy «Qaplanbek» ótkizý beketi mańynda eki er adamnyń janjaldasyp, olardyń biriniń buraýysh kórsetip qorqytqan sáti beınelengen vıdeo áleýmettik jelilerde tarady.
Jelide jarııalanǵan aqparatqa sáıkes, oqıǵa barysynda kórshi elden kelgen shetel azamattarynan aqsha talap etilip, bopsalaý áreketteri jasalǵany aıtylǵan.
Osyǵan baılanysty Kazinform tilshisine Túrkistan oblysynyń Polıtsııa departamenti resmı túsinik berdi.
Vedomstvo málimetinshe, «Qaplanbek» ótkizý beketinde bolǵan quqyqqa qaıshy áreket faktisi boıynsha qylmystyq is qozǵalǵan.
— Qylmystyq quqyqbuzýshylyq jasady degen kúdikpen jedel-izdestirý is-sharalary barysynda Túrkistan oblysynyń 43 jastaǵy, jumyssyz, turaqty turǵylyqty jeri joq turǵyny ustaldy. Kúdikti Saryaǵash aýdandyq polıtsııa basqarmasynyń ýaqytsha ustaý ızolıatoryna qamaldy, — delingen resmı habarlamada.
Qazir qajetti tergeý amaldary júrgizilip jatyr.
Polıtsııa shekara mańyndaǵy aýmaqta qoǵamdyq tártip pen azamattardyń qaýipsizdigin qamtamasyz etý turaqty baqylaýda ekenin atap ótti. Sonymen qatar turǵyndardy tek resmı aqparatqa súıenip, jalǵan málimet taratpaýǵa shaqyrdy.
Aıta keteıik, buǵan deıin qazaq-ózbek shekarasynda deldaldardyń sheteldikterdi mazalaǵany týraly jazǵan edik.
