Túrkistan oblysyndaǵy atystan bir adam qaza taýyp, úsh adam aýrýhanaǵa jetkizildi
TÚRKІSTAN. KAZINFORM – 2025 jyly 2 qarasha túngi ýaqytta Túlkibas aýdanynda atys qarýyn qoldaný deregi tirkeldi.
Nátıjesinde bir adam qaıtys bolyp, úsh adam medıtsınalyq mekemege jetkizildi. Olarǵa qajetti medıtsınalyq kómek kórsetilip jatyr. Bul oqıǵaǵa qatysty Túrkistan oblysy Polıtsııa departamenti resmı túsinikteme berdi.
- Oqıǵa ornyna aýdandyq polıtsııa bóliminiń basshylyǵy men jedel-tergeý toby dereý shyqty. Іs-sharalar barysynda az ýaqyt ishinde kúdiktilerdiń jeke basy anyqtaldy. Olardyń biri ustalyp, qamaýǵa alyndy. Osy fakti boıynsha «Adam óltirý» babymen qylmystyq is qozǵaldy. Bolǵan oqıǵanyń barlyq mán-jaıyn jáne ekinshi qatysýshynyń ornalasqan jerin anyqtaýǵa baǵyttalǵan qajetti tergeý áreketteri júrgizilip jatyr, - delingen resmı habarlamada.
Qazirgi tańda tergeý barysy Túrkistan oblysy Polıtsııa departamenti basshylyǵynyń qatań baqylaýynda.
Budan buryn Túrkistan oblysynda aýrýhanadan qashqan sottalýshy ustalǵanyn jazǵan edik.
Sábıt Tastanbek