Túrkistan oblysyndaǵy asfalt-beton zaýyttarynyń basym bóligi talapqa saı emes

TÚRKІSTAN. KAZINFORM – Monıtorıng jumystary jalǵasyp jatyr.

Ulttyq sapa ortalyǵy aımaqtaǵy 30-ǵa jýyq asfalt-beton zaýytynyń jumysyn tekserdi. Nátıjesinde beseýi múlde istemeı turǵany anyqtaldy. Al, 24-niń qujattary túgel emes. Asfalt pen beton óndirisine qajetti materıaldarǵa kiris baqylaý júrgizilmegen. Sapasy tekserilmegen. Tipti, tekseretin zerthanalary da joq.

- Merdiger mekeme karerden alǵan qıyrshyq tas pen qumdy synaqtan ótkizýi tıis. Tehnıkalyq qadaǵalaýshylar ony jolǵa tóser aldynda qaıta tekserýi shart. Osy baqylaý tizbegi qatań qolǵa alynǵanda ǵana jol-qurylys materıaldary sapaly bolady, - dedi «Jol aktıvteri ulttyq sapa ortalyǵy RMK» Túrkistan oblystyq fılıaly sapa jáne memlekettik esep bóliminiń basshysy Qaırat Shákirov.

Spıkerdiń aıtýynsha, asfalt-beton daıyndaıtyn zaýyttardyń jumysy belgili-bir tártipke negizdelýi tıis. ıAǵnı, qospa bekitilgen retseptýramen shyǵarylady. Temperatýrasy da belgili-bir normadan aspaýy kerek. Al, asfaltty jolǵa tóseý barysyndaǵy tehnologııalyq protsesterdiń saqtalýy sapaǵa tikeleı áser etedi. Ázirge mundaı talapqa bir ǵana zaýyt jaýap berip, ortalyqqa tıisti qujattaryn usynǵan. Qalǵan zaýyttarǵa monıtorıng júrgizý jalǵasyp jatyr.

Aıta keteıik, budan buryn Shymkentte jastar ortalyǵynyń basshysy jelidegi jazbaǵa laık baspaǵan qyzmetkerlerdi jazalaǵanyn jazǵan bolatynbyz.