Túrkistan oblysynda júk kólikteriniń qozǵalysyna shekteý qoıyldy
TÚRKІSTAN. KAZINFORM - Aýa-raıynyń qolaısyzdyǵyna baılanysty óńirdegi keı trassalarda qozǵalysqa shekteý qoıylyp jatyr.
Túrkistan oblysy tótenshe jaǵdaılar departamenti usynǵan aqparatqa súıensek, saǵat 12:00-den bastap aýa-raıynyń nasharlaýyna baılanysty respýblıkalyq mańyzy bar A-2 «Horgos-Almaty-Taraz-Shymkent-Tashkent» avtokólik jolynyń 593-620 shaqyrym bóliginde tranzıttik júk avtokólik quraldarynyń qozǵalysyna shekteý engizildi. Bul Jambyl oblysy shekarasynan Túlkibas aýdany T. Rysqulov aýyly aýmaǵyn qamtıdy.
Al, óńirdiń polıtsııa qyzmetkerleri táýlik boıy kezekshilikke túsip, jol-kólik oqıǵalarynyń aldyn alý baǵytynda jumys istep jatyr.
- Júrgizýshiler men jolaýshylarǵa joldarda muqııat bolýdy, jol erejelerin saqtap júrýdi eskertemiz. Ózińizge jáne jaqyndaryńyzǵa qamqorlyq jasańyz, - delingen Túrkistan oblysy polıtsııa departamentiniń baspasóz qyzmeti taratqan aqparatta.
Buǵan deıin Almaty oblysynda respýblıkalyq joldyń bir bóliginde qozǵalys shekteletinin jazǵan edik.