Túrkistan oblysynda JRVI-men syrqattanǵandar sany artty
TÚRKІSTAN. KAZINFORM – Óńirde jiti rıspıratorlyq vırýstyq ınfektsııamen aýyrǵandar qatary kóbeıgen.
2025-2026 jyldardaǵy epıdemııalyq maýsymda, ıaǵnı 1 qazannan bastap oblys boıynsha 116 348 JRVI jaǵdaıy tirkeldi. Onyń 72 935-i nemese 62,7 paıyzy – 14 jasqa deıingi balalar.
Oblystyq sanıtarııalyq-epıdemıologııalyq baqylaý departamentiniń málimetinshe, ótken jyly óńirde JRVI ınfektsııasymen 327 446 jaǵdaı tirkeldi. Bul kórsetkish 2024 jylmen salystyrǵanda 13,9 paıyzǵa joǵary.
– Tirkelgen jaǵdaılardyń 198 818-i, ıaǵnı 60 paıyzy – 14 jasqa deıingi balalar. 2024 jylmen salystyrǵanda aýrýshańdyq 31,6%-ǵa artqan. Tumaýǵa qarsy reseılik «Grıppol+» vaktsınasynyń 271 348 dozasy bólingen bolatyn. Profılaktıkalyq egýmen tıisti kontıngentter tolyq qamtylyp, nátıjesinde oblys turǵyndarynyń 12,8 paıyzy vaktsınatsııalandy, - delingen vedomstvonyń habarlamasynda.
Budan buryn Túrkistan oblysynda JRVI-men aýyrǵan balalar 190 myńǵa jýyqtaǵanyn jazǵan edik.