Túrkistan oblysynda joldy sapasyz salǵan merdiger 9 mln teńge aıyppul tóleıtin boldy

TÚRKІSTAN. KAZINFORM - Óńirde 5500 sharshy metrden astam jol jabyny qaıta tóseldi.

Ulttyq sapa ortalyǵy óńirdegi 42 oblystyq jáne aýdandyq mańyzy bar joldar men 208 aýyl kóshesiniń qurylysyn baqylaýǵa alǵan. Atalǵan nysandarǵa 2017 ret tekserý júrgizgen sala mamandary salynyp jatqan joldardan 2147 synama alǵan. Nátıjesinde 152 kemshilik anyqtalyp otyr.

- Memlekettik sáýlet-qurylys baqylaý organdaryna 25 hat joldandy. Nátıjesinde merdigerlerge 9,599 mln teńge, tehnıkalyq qadaǵalaýshylarǵa 9,555 mln teńge aıyppul salyndy. 12 jol qurylysyn baqylaǵan tehnıkalyq qadaǵalaýshynyń lıtsenzııasy 6 aıǵa toqtatyldy. Ulttyq sapa ortalyǵynyń nusqaýymen 5500 sharshy metrden astam jol jabyny qaıta tóseldi, - dedi «Jol aktıvteriniń ulttyq sapa ortalyǵy» RMK Túrkistan oblystyq fılıaly dırektory Ǵalymjan Ótenbaev.

Aıta keteıik, budan buryn Túrkistan oblysynda 4 jyl buryn joǵalǵan qyz tabylǵanyn jazǵan bolatynbyz.