Túrkistan oblysynda jolda oqýshylar mingen «Gazel» órtenip ketti

ASTANA. KAZINFORM - Túrkistan oblysynda «Shymkent-Samara» avtojolynda oqýshylar mingen gazel otqa orandy, dep habarlaıdy QR TJM baspasóz qyzmeti. 

«Shymkent-Samara» avtojolynda 16 oqýshy men bir júrgizýshi bolǵan gazeldi órt tolyǵymen sharpydy. Jolaýshylar kólikten shyǵyp úlgergen. Olar Qyzylorda oblysynan Túrkistanǵa ekskýrsııaǵa bara jatqan» delingen habarlamada. 

Órt sóndirýshiler órtti 37 mınýtta sóndirdi. Zardap shekkender joq. Oqıǵanyń sebebi anyqtalýda.

Sondaı-aq, Qyzylordada 5 qabatty turǵyn úıdiń janynda turǵan jeńil kólik janyp ketti. 

Jeńil avtokólikti tolyǵymen sharpyǵan órt 12 mınýt ishinde sóndirildi. Qaıtys bolǵandar men zardap shekkender joq. Aldyn ala boljam boıynsha, órttiń sebebi - elektr symdarynyń qysqa tuıyqtalýy.