Túrkistan oblysynda jolda adasyp qalǵan 156 adam qutqaryldy, onyń ishinde 17 bala bar
TÚRKІSTAN. KAZINFORM- Joldardyń jaı-kúıi týraly «Darmen» mobıldi qosymshasynan bilýge bolady.
Túrkistan oblysynda kún raıynyń kúrt buzylýynan joldar jabylyp, mektepter onlaınǵa kóshti. Qazirgi kezde Tótenshe jaǵdaılar departamentiniń mamandary men qutqarýshylary jáne polıtsııa qyzmetkerleri kúsheıtilgen rejımde jumys istep jatyr. Boran bastalǵaly beri qutqarýshylar jolda adasyp qalǵan 156 adamdy qutqardy, onyń ishinde 17 bala bar.
Sondaı-aq, qar qursaýynan shyǵa almaı qalǵan aýyr júk kólikteriniń qozǵalýyna kómek kórsetip jatyr.
«Túrkistan oblysynyń TJD mamandary qolaısyz aýa-raıynda jáne táýliktiń qarańǵy ýaqytynda jetýi qıyn jerge shyqpaý kerektigin eskertedi. Qala syrtyna baratyn bolsańyz, joldardyń jaı-kúıi týraly «Darmen» mobıldi qosymshasynan bilýge bolady»-delingen Túrkistan oblysy TJD baspasóz qyzmeti usynǵan aqparatta.
