Túrkistan oblysynda jol erejesin buzǵan toı kortejiniń júrgizýshileri jazalandy
ASTANA. KAZINFORM — Áleýmettik jelilerge júrgizilgen monıtorıng barysynda polıtseıler Túrkistan oblysy Tóle bı aýdanynyń aýmaǵynda úılený toıy kortejine qatysýshylardyń jol qozǵalysy erejelerin óreskel buzǵanyn anyqtady.
Polıtsııa qyzmetkerleri júrgizgen jedel is-sharalardyń nátıjesinde zań buzǵan júrgizýshiler anyqtaldy. Segiz kólik quraly mamandandyrylǵan aıypturaqqa qoıyldy.
— Quqyq buzýshylarǵa qatysty kólik quraldaryn paıdalaný qaǵıdalaryn jáne manevr jasaý erejelerin buzý, arnaıy jaryq jáne dybys sıgnaldaryn zańsyz paıdalaný, sondaı-aq avarııalyq jaǵdaı týǵyzý faktileri boıynsha ákimshilik sharalar qabyldandy, — delingen habarlamada.
Polıtsııa jol qozǵalysyna qatysýshylardy belgilengen zań talaptaryn qatań saqtap, ózge azamattardyń ómiri men qaýipsizdigine qaýip tóndiretin áreketterge jol bermeýge úndedi.
Eske salaıyq, buǵan deıin Abaı oblysynda jol erejesin óreskel buzǵan toı korteji jaýapqa tartylǵanyn habarlaǵan edik.
