Túrkistan oblysynda jol apatynan bir áýlettiń 5 qyzy kóz jumdy
TÚRKІSTAN. KAZINFORM — Túrkistan oblysynda jantúrshigerlik jol apaty bolyp, saldarynan bir áýlettiń bes qyzy qaza tapty.
Jaraqattanǵan taǵy bir bala aýrýhanaǵa jetkizildi. Atalǵan derek boıynsha qylmystyq is qozǵaldy.
Qaıǵyly oqıǵa Túlkibas aýdanynda bolǵan. Aldyn ala málimetterge sáıkes, aýdandaǵy trassada Volkswagen Polo kóliginiń júrgizýshisi róldi basqara almaı, jol boıyndaǵy aǵashqa soǵylǵan.
— Qazirgi ýaqytta barlyq mán-jaılardy anyqtaýǵa baǵyttalǵan qajetti is-sharalar júrgizilip jatyr. Tergeý qorytyndysy boıynsha tıisti protsestik sheshim qabyldanady, — dep habarlady Túrkistan oblysy polıtsııa departamenti.
Tártip saqshylary júrgizýshilerdi jol erejelerin qatań saqtaýǵa jáne jolda óte muqııat bolýǵa shaqyrdy.
Buǵan deıin Túrkistan oblysynyń Arys qalasynda jol-kólik oqıǵasy saldarynan 3 adamnyń qaza taýyp, eki adamnyń jaraqattanǵany týraly jazǵan edik.
