13:00, 19 Qarasha 2024 | GMT +5
Túrkistan oblysynda jol apatynan 4 adam mert boldy
TÚRKІSTAN. KAZINFORM — Jetisaı — Jibek Joly tas jolyndaǵy jol kólik oqıǵasy boıynsha polıtsııa qyzmetkerleri tergeý júrgizip jatyr.
«VAZ» markaly avtokólik «Volvo» júk kóligimen soqtyǵysqan. Saldarynan oqıǵa bolǵan jerde júrgizýshi men jeńil avtokóliktiń úsh jolaýshysy qaza tapty.
«Atalǵan fakti boıynsha sotqa deıingi tergep-tekserý bastaldy jáne barlyq mán-jaıdy anyqtaýǵa baǵyttalǵan qajetti is-sharalar júrgizilip jatyr. Polıtseıler júrgizýshiler men jolaýshylardy jol erejelerin qatań saqtaýǵa jáne oblys joldarynda muqııat bolýǵa shaqyrady», - dedi Túrkistan oblysy polıtsııa departamentiniń resmı ókili Gúlnar Abdýjapparova.
Aıta keteıik, budan buryn Qazaqstanda jyl basynan beri jol apatynan 2077 adam mert bolǵanyn jazǵan bolatynbyz.