Túrkistan oblysynda jol apatynan 1 jolaýshy qaza taýyp, 6 adam aýrýhanaǵa tústi
«Almaty-Tashkent-Termez» avtojolynyń 719 shaqyrymynda jol-kólik oqıǵasy oryn aldy, dep habarlaıdy Kazinform.
Shymkent qalasynan Saryǵash baǵytyna shyqqan «Toyota Camry» kóligi «Mersedes-Sprinter» jolaýshylar kóligimen soqtyǵysqan. Saldarynan mıkroavtobýstyń 70 jastaǵy jolaýshysy oqıǵa ornynda alǵan jaraqattarynan qaıtys boldy.
Odan bólek eki júrgizýshi men jolaýshylar kóliginiń 4 jolaýshysy túrli dene jaraqattarymen aýrýhanaǵa jatqyzyldy.
«Oqıǵa ornyna jedel-tergeý toby, Tólebı APB men aýdandyq prokýratýra basshylyǵy bardy. Bolǵan oqıǵanyń tolyq mán-jaıy anyqtalýda. Atalǵan fakt QR QK-niń 345-babynyń 3-bóligi (Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy) boıynsha tirkeldi. Qazirgi ýaqytta sotqa deıingi tergep-tekserý amaldary júrgizilýde jáne tıisti saraptamalar taǵaıyndaldy. Saraptama nátıjesi boıynsha naqty protsestik sheshim qabyldanatyn bolady», - delingen Túrkistan oblysy polıtsııa departamentiniń baspasóz qyzmeti taratqan aqparatta.
