Túrkistan oblysynda joǵalyp ketken 15 jasar qyz Almatydan tabyldy
TÚRKІSTAN. KAZINFORM — Túrkistan oblysy Arys aýdandyq polıtsııa bólimine jergilikti turǵyn kámeletke tolmaǵan qyzynyń joǵalyp ketkeni týraly habarlaǵan.
Anasynyń aıtýynsha, jasóspirim kúndiz úıden shyǵyp, qaıta oralmaǵan.
— Qyzdy izdeý úshin aýdandyq polıtsııanyń jeke quramy jumyldyrylyp, qajetti jedel-izdestirý sharalary júrgizildi. Іzdeý barysynda polıtseıler onyń tanystaryn, baılanystaryn jáne bolýy múmkin jerlerin anyqtady. Nátıjesinde tártip saqshylary 15 jasar oqýshyny Almatydan tapty, — delingen oblystyq Polıtsııa departamentiniń baspasóz qyzmeti taratqan resmı aqparatta.
Belgili bolǵandaı, ol megapolıske óz betimen ketip, serýendemek bolǵan. Qyz aman-esen úıine jetkizilip, ata-anasyna tapsyryldy.
Qazirgi ýaqytta polıtseıler jasóspirimmen profılaktıkalyq áńgime ótkizdi, sondaı-aq onyń ata-anasyna da túsindirý jumystary júrgizildi.
Budan buryn Túrkistanda 9-synyp oqýshysyn synyptasy uryp óltirgenin jazǵan edik.