Túrkistan oblysynda jylyjaılar kómirmen tikeleı óndirýshiden qamtamasyz etiledi
Jylyjaı sharýashylyqtaryn kómir otynymen bir qoldan qamtamasyz etý úshin «Turkistan resource» jaýapkershiligi shekteýli seriktestigi qurylyp, kómir otynyn óndirýshilerden tikeleı tasymaldaý boıynsha kelisimshart jasaldy, dep habarlaıdy Kazinform.
Kelisimshartqa sáıkes 2024 jyldan bastap «Shubarkól kómir» aktsıonerlik qoǵamynan jylyjaı sharýashylyqtaryna tikeleı 150 myń tonna kómir otyny jetkiziledi.
Jalpy oblysta 1 640 ga jylyjaı bar, onyń ishinde 634 ga jylyjaı kómirmen jylytylady. ıAǵnı 275 myń tonna kómir qajet etedi.
Qazirgi tańda 95 myń tonna satyp alyndy.Túrkistan oblysy ákimdigi tarapynan jylyjaı sharýashylyqtarynyń máselesin Úkimet deńgeıinde kóterýdiń nátıjesinde olardy qoldaýdyń jańa tetikterine qol jetkizip, jylyjaılardyń jylytý shyǵyndaryn sýbsıdııalaý erejesi bekitildi. Osy oraıda, jylyjaılardy jylytý shyǵyndarynyń 20 paıyzy sýbsıdııalanady. Onyń ishinde fermerlik jylyjaılardyń gektaryna 4,8 mln. teńge, óndiristik jylyjaılarǵa 8,1 mln. teńge bólinedi. Bul maqsatta bıyl 500 mln. teńge qarjy bólindi.
Oblysta fermerlik jylyjaılardy «Ulttyq saraptama jáne sertıfıkattaý ortalyǵy» aktsıonerlik qoǵamy arqyly memlekettik standarttaý jumystary qarqyndy júrgizilip jatyr. Búgingi kúnge jylyjaı sharýashylyqtary tarapynan 732 ótinim tapsyrylyp, 531 fermerlik jylyjaı sertıfıkattaldy.
