Túrkistan oblysynda jylytý maýsymy qashan bastalady

TÚRKІSTAN. KAZINFORM – Búginde aqaýdyń aldyn alý úshin jedel áreket etý toptary quryldy.

Oblystyq ákimdiktiń habarlaýynsha, jylý júıeleri aýa raıyna baılanysty 15 qazannan 1 qarashaǵa deıin iske qosylady.

• 15 qazannan bastap – Túlkibas, Qazyǵurt, Tólebı, Báıdibek, Sozaq, Saıram aýdandarynda;

• 25 qazanda – Kentaý qalasynda;

• 1 qarashaǵa deıin – Túrkistan jáne Arys qalalarynda, sondaı-aq Maqtaaral, Jetisaı, Otyrar, Ordabasy, Saryaǵash, Saýran, Keles, Shardara aýdandarynda jylytý maýsymy bastalady.

Barlyq bilim berý, densaýlyq saqtaý jáne áleýmettik nysandardyń jylytý júıeleri tekserilip, qajetti jóndeý jumystary júrgizilgen. Otyn qory jetkizilgen.

- Túrkistan oblysy 2025-2026 jyldardaǵy jylytý maýsymyna tolyq daıyn. Jumystar óńirlik shtabtyń turaqty baqylaýyna alynǵan. QR Qurylys normalary men erejelerine sáıkes aımaqta jylytý maýsymy 148 táýlik. Syrtqy aýanyń ortasha temperatýrasy bes kún boıy +8 gradýstan tómendese, jylý júıeleri iske qosylady, - delingen Túrkistan oblysy ákiminiń baspasóz qyzmet taratqan aqparatta.

Aıta keteıik, budan buryn Shymkentte jylý berý maýsymy qashan bastalatynyn jazǵan bolatynbyz.