Túrkistan oblysynda jyldyń alǵashqy úsh aıynda 7700-den astam azamat kóshi-qon zańyn buzǵan
TÚRKІSTAN. KAZINFORM — Oblysta sheteldik jumys kúshin zańsyz paıdalanýǵa qatysty 100-den astam derek tirkeldi.
Bıyl alǵashqy úsh aıda Túrkistan oblysynda 7 584 sheteldik ýaqytsha turý qujatyn rásimdegen. Sondaı-aq 166 sheteldikke Qazaqstan Respýblıkasynyń vızasy berilgen.
Oblystyq polıtsııa departamentiniń málimetinshe, atalǵan kezeńde óńirde kóshi-qon zańnamasyn buzǵan 7 749 adam ákimshilik jaýapkershilikke tartyldy.
— Olardyń ishinde 1048 sheteldik elde bolý tártibin buzǵan. Sonymen qatar 467 qabyldaýshy tarap sheteldikterdiń bolý talaptaryn saqtamaǵan, — delingen resmı málimette.
Budan bólek, sheteldik jumys kúshin zańsyz paıdalaný boıynsha 102 derek tirkeldi. Sot sheshimimen 579 sheteldik el aýmaǵynan shyǵaryldy.
Buǵan deıin Qazaqstan kóshi-qon saıasatyn jańartyp, elge joǵary bilikti mamandar men ınvestorlardy tartýǵa basymdyq berip otyrǵanyn jazǵan edik.
