Túrkistan oblysynda jyl basynan beri stalkıng boıynsha 6 is sotqa joldandy
TÚRKІSTAN. KAZINFORM – Túrkistan oblysynda stalkıng faktisi boıynsha 8 qylmystyq is tirkeldi.
Polıtsııa departamentiniń habarlaýynsha, oblys aýmaǵynda azamattardy júıeli túrde qýdalaý (stalkıng) faktilerine qarsy qylmystyń aldyn alý maqsatynda turǵyndarǵa túsindirý jumystary júrgizip keledi.
– Jyl basynan beri oblysta 8 qylmystyq is tirkeldi. Qazirgi tańda 6 is sotqa joldandy. Quqyq qorǵaý organdary stalkıng faktilerin der kezinde anyqtaý, jolyn kesý, azamattardyń qaýipsizdigin qamtamasyz etý jáne kináli tulǵalardy jaýapkershilikke tartý baǵytynda keshendi sharalar qabyldap jatyr, – dep habarlady oblystyq polıtsııa departamenti.
Resmı málimetke súıensek, stalkıng boıynsha Qylmystyq kodekstiń 115-1-babyna sáıkes jaza retinde 200 aılyq eseptik kórsetkishke deıin aıyppul, 200 saǵatqa deıin qoǵamdyq jumystarǵa tartý nemese 50 táýlikke deıin qamaýǵa alý qarastyrylǵan.
Budan buryn habarlaǵanymyzdaı, Qazaqstanda stalkıng qylmys retinde engizilgen kúnnen bastap sotqa 51 is joldanǵan. Onyń ishinde 36 is boıynsha kúdiktiler ýaqytsha ustaý ızolıatoryna qamaldy.
