Túrkistan oblysynda para alǵan eki sheneýnik sottaldy
TÚRKІSTAN. KAZINFORM — Saıram aýdanynda ákim orynbasary men bólim basshysyna qatysty jaza belgilendi.
Saıram aýdany ákiminiń orynbasary Shýhratýlla Ýbaıdýllaev pen aýdandyq jer qatynastary bóliminiń basshysy Amangeldi Júnisbekovke qatysty qylmystyq isti Túrkistan qalasynyń aýdanaralyq soty qarady. Іs sotqa kelisimdik is júrgizý tártibimen túsken.
Qos sheneýnikke adamdar tobynyń aldyn ala sóz baılasýymen para alý jáne para berýge oqtalý boıynsha aıyp taǵylǵan.
Sot málimetinshe, Shýhratýlla Ýbaıdýllaev 650 myń teńge para alǵany úshin kináli dep tanylyp, oǵan 22 mln 750 myń teńge aıyppul taǵaıyndaldy. Buǵan qosa, para retinde bergen 3 mln teńgesi úshin oǵan 56 mln 250 myń teńge aıyppul salyndy. Sonymen qatar ol memlekettik qyzmette laýazym atqarý quqyǵynan ómir boıyna aıyryldy.
Al Amangeldi Júnisbekovke 2 mln 131 myń 550 teńge para alǵany úshin 74 mln 604 myń 250 teńge aıyppul belgilendi. Budan bólek, para retinde bergen 3 mln teńge úshin oǵan 56 mln 250 myń teńge aıyppul taǵaıyndaldy. Ol da memlekettik qyzmette laýazym atqarý quqyǵynan ómir boıyna aıyryldy.
— Sottalýshylar prokýratýramen kináni moıyndaý týraly protsestik kelisim jasaǵan. Sot olardyń shyn nıetpen ókinýi men jas balalarynyń bolýyn jeńildetetin, al kásibı antty buza otyryp qylmys jasaýyn aýyrlatatyn mán-jaı retinde tanydy, — delingen sot habarlamasynda.
Sot úkimi zańdy kúshine endi.
Buǵan deıin Qyzylorda oblysynda sot tóraǵasy men sýdıanyń 9 jylǵa sottalǵanyn habarlaǵan edik.
