Túrkistan oblysynda jazǵy demalysta qansha oqýshy tegin demalady
TÚRKІSTAN. KAZINFORM — Túrkistan oblysynda bıyl 1-10 synyptarda oqıtyn 496 myńnan astam oqýshynyń 95,7 paıyzy jazǵy demalyspen qamtylady.
Túrkistan oblysy bilim basqarmasynyń málimetine sáıkes, jazǵy saýyqtyrý sharalary úsh negizgi baǵytta júzege asyrylady.
— Oblysta 24 qala syrtyndaǵy lagerde áleýmettik osal toptaǵy jáne erekshe baqylaýdaǵy 35 myńnan astam bala tegin demalady. Al mektep janyndaǵy lagerlerde 230 myńǵa jýyq oqýshy qamtylmaq. Sonymen qatar eńbek, týrıstik, shyǵarmashylyq jáne sporttyq baǵyttaǵy túrli is-sharalar arqyly 210 myńnan astam bala jazǵy maýsymdy tıimdi ótkizedi, — dep málimdedi vedomstvo.
Sondaı-aq 2025-2026 oqý jylynyń qorytyndysy boıynsha oblystyq, respýblıkalyq jáne halyqaralyq olımpıadalardyń jeńimpazy atanǵan 400-ge jýyq daryndy oqýshy respýblıkalyq «Baldáýren» oqý-saýyqtyrý ortalyqtarynda tegin tynyǵady.
Budan buryn elimizde oqýshylardyń jazǵy demalysy kezinde ortalyqtarǵa polıtsııa ınspektorlarynyń bekitilgeni týraly jazǵan edik.
