Túrkistan oblysynda jasóspirimniń aıaǵy kombaınǵa qysylyp qaldy
ASTANA. KAZINFORM — Qutqarýshylar kombaınnyń oraq apparatyna qysylyp qalǵan 17 jastaǵy jigitke kómekke keldi, dep habarlaıdy TJM baspasóz qyzmeti.
Búgin Túrkistan oblysy Asyqata aýylyndaǵy sharýa qojalyǵynyń aýmaǵynda 2009 jyly týǵan jasóspirim oqys oqıǵaǵa tap boldy.
— Kombaındy jóndeý jumystary kezinde jasóspirimniń aıaǵy aýyl sharýashylyǵy tehnıkasynyń oraq apparatyna qysylyp qalǵan. Oqıǵa ornyna jedel jetken TJM qutqarýshylary arnaıy quraldardyń kómegimen jasóspirimdi bosatyp, jedel medıtsınalyq járdem brıgadasyna tapsyrdy, — delingen habarlamada.
Buǵan deıin Aqtóbede kúıik shalǵan temirjolshynyń biri aýrýhanada kóz jumǵanyn jazdyq.
