Túrkistan oblysynda jasóspirim 2-synyp oqýshysyn zorlady degen kúdikpen ustaldy
TÚRKІSTAN. KAZINFORM – Báıdibek aýdanynda kámeletke tolmaǵan jasóspirimge qatysty quqyqqa qarsy is-qımyl faktisi boıynsha sotqa deıingi tergeý amaldary júrgizilip jatyr. Bul týraly oblystyq polıtsııa departamentiniń baspasóz qyzmeti málimdedi.
Áleýmettik jelide taraǵan aqparatqa súıensek, Báıdibek aýdanynda 8-synyp oqýshysy 2-synyp oqıtyn qyz balany zorlaǵan. Oqıǵa Qoshqar Ata aýylynda bolǵan.
Atalǵan oqıǵaǵa qatysty bar kúdikti retinde kámeletke tolmaǵan jergilikti turǵyn ustalyp, ýaqytsha ustaý ızolıatoryna qamaýǵa alyndy. Quqyq qorǵaý organdary qazirgi ýaqytta barlyq mán-jaıdy anyqtaý úshin jedel tergeý áreketterin júrgizip jatyr.
– Atalǵan fakt QR Qylmystyq kodeksiniń tıisti babymen tirkelip, sotqa deıingi tergeý amaldary bastaldy. Tergeý barysy Túrkistan oblysy polıtsııa departamenti basshylyǵynyń tikeleı baqylaýynda bolady. QR Qylmystyq-protsestik kodeksiniń 201-babyna sáıkes, tergeý múddesine baılanysty ózge de derekter jarııa etýge jatpaıdy, - delingen resmı habarlamada.
Aıta keteıik, budan buryn Saryaǵashta kórshi balany qasaqana óltirgen jasóspirim qylmystyq jaýapkershilikten bosatyldy.