Túrkistan oblysynda jasy 100-den asqan qansha ana bar

TÚRKІSTAN. KAZINFORM — Eń uzaq jasaıtyn turǵyndar Tólebı aýdanynda turady.

Túrkistan oblysynyń jumyspen qamtýdy úılestirý jáne áleýmettik baǵdarlamalar basqarmasy usynǵan málimetke súıensek, óńirde jasy júzden asqan 57 adam tirkelgen. Onyń 51-i aq jaýlyq áje bolsa, altaýy er adam.

Sondaı-aq, ǵasyrmen qurdas 10 adam bar bolsa, 101-106 jas aralyǵynda 45 adam turady. Al, Jetisaı qalasynyń turǵyny eń uzaq jasaǵan aq jaýlyqty áje atanyp otyr. Keıýana bıyl 110 jasqa tolsa, Qazyǵurttyq qarııa 108-shi kóktemin qarsy almaq.

Ǵasyr jasaýshylardyń kópshiligi Tólebı aýdanynda qonystanǵan. ıAǵnı, munda jasy 100-den asqan 9 azamatsha bar. Munan keıingi orynda Jetisaı, Qazyǵurt, Túlkibas, Saryaǵash, Báıdibek aýdandary tur.

Aıta keteıik, budan buryn elimizdiń qaı óńirinde qyz-kelinshekter kóp turatynyn jazǵan bolatynbyz.