Túrkistan oblysynda jappaı tóbelesken jastar birin-biri aǵashpen aıaýsyz uryp-soqty

TÚRKІSTAN. KAZINFORM - Qazir tóbeleske qatysty degen kúdiktiler ustalyp, barlyq mán-jaı anyqtalýda.

Áleýmettik jelide taraǵan vıdeodan jappaı tóbelesken jastardy kórýge bolady. Qolyndaǵy aǵashpen birin biri aıaýsyz soǵyp, basynan urǵan sátteri beınekadrǵa anyq túsip qalǵan.

Túrkistan oblysy polıtsııa departamentiniń baspasóz qyzmeti oqıǵanyń Maqtaral aýdanynda bolǵandyǵyn málimdedi. Tártip saqshylary jastardyń buzaqylyq áreketterin toqtatqan. Qazir kúdiktiler ustalyp, barlyq mánjaı anyqtalýda. Qylmystyq iste qozǵaldy. 

Al, jelide jarııalanǵan vıdeoǵa pikir jazýshylar jastardy kinálap, jazalanýy kerektigin jetkizip jatyr.

Olardyń ishinde «Bárin áskerı qyzmetke qurtý kerek, esirgenderdiń», «Sý tasyp turǵan jaqqa jiberý kerek», «Birin biri qyryp boldy-aý», «Ne jetpeıdi osylarǵa?», «Qarny toqtyq azdyrar adam balasyn» - degen jazbalarda bar.