Túrkistan oblysynda janjal kezinde er adam tanysyna oq atty
TÚRKІSTAN. KAZINFORM – Saıram aýdanynda turmystyq janjal sońy atyspen aıaqtaldy. Er adam travmatıkalyq qarý qoldanǵan. Atalǵan derek boıynsha qylmystyq is qozǵaldy.
Oqıǵa týraly aqparat áleýmettik jelilerde taraǵan vıdeodan keıin belgili boldy. Kadrlarda oqıǵa orny qorshaýǵa alynyp, birneshe patrýldik avtokóliktiń turǵany baıqalady.
Polıtsııanyń málimetinshe, jedel-izdestirý is-sharalary barysynda kúdikti retinde Saıram aýdanynyń turǵyny anyqtalyp, ustaldy.
– Kúdikti ýaqytsha ustaý ızolıatoryna qamaldy. Oqıǵa ornynan travmatıkalyq tapansha tárkilenip, is materıaldaryna tirkeldi. Aldyn ala málimetterge sáıkes, kelispeýshilik saldarynan er adam tanysyna oq atqan. Jábirlenýshige medıtsınalyq kómek kórsetildi. Onyń ómiri men densaýlyǵyna qaýip joq, tekserýden keıin úıine jiberildi, – delingen oblystyq PD habarlamasynda.
Qazirgi ýaqytta oqıǵanyń barlyq mán-jaıyn anyqtaýǵa baǵyttalǵan tergeý áreketteri júrgizilip jatyr.
Budan buryn SQO-da kásipkerdi atyp óltirgen jigit 11 jylǵa sottalǵanyn jazǵan edik.
