Túrkistan oblysynda Jańa jyldyń alǵashqy táýliginde qansha sábı dúnıege keldi

TÚRKІSTAN. KAZINFORM — 2026 jylǵy 1 qańtar kúni Túrkistan oblysynyń perzenthanalarynda bir táýlik ishinde (saǵat 00:00-den 24:00-ge deıin) 106 sábı dúnıege keldi. Onyń ishinde bir egiz bala tirkeldi.

— Eń kóp bosaný kórsetkishi oblystyq perınataldyq ortalyqtarda baıqaldy. Atap aıtqanda, Túrkistan oblysynyń №2 perınataldyq ortalyǵynda 19 sábı jáne 1 egiz dúnıege kelse, №3 oblystyq perınataldyq ortalyqta 25 sábı ómirge keldi, — dep habarlady oblys ákiminiń baspasóz qyzmeti.

Jańa jyldyń alǵashqy kúninde dúnıege kelgen sábılerge dárigerler tarapynan tıisti medıtsınalyq kómek kórsetildi. Analar men balalardyń jaǵdaıy turaqty.

Budan buryn Qazaqstanda Jańa jyl túninde 254 náreste dúnıege kelgenin jazǵan edik.