Túrkistan oblysynda jalpyhalyqtyq senbilikke 25 myńnan astam adam qatysty
TÚRKІSTAN. KAZINFORM- Naýryz merekesi «Naýryz – tazalyqtyń aınasy» ataýymen qorytyndylandy. Igi shara aıasynda óńirdegi 17 aýdan, qalada jalpyhalyqtyq senbilik ótti.
Senbilikke oblys ortalyǵyndaǵy barlyq basqarmalar men departamenttiń jáne jergilikti aýdan, qala ákimdikteriniń qyzmetkerleri, memlekettik mekemelerdiń, uıymdardyń, kásipkerlik nysandardyń mamandary qatysty.
Jalpy 25 myńnan astam adam ózen, kól arnalaryn retke keltirip, eldi mekenderdegi kóshe boılaryn qoqystan tazartty. Nátıjesinde 5 myń tonnaǵa jýyq qoqys jınalyp, arnaıy oryndarǵa tasymaldandy.
Sondaı-aq, aldyn ala belgilengen oryndarǵa aǵash kóshetteri otyrǵyzyldy. Ekologııalyq aımaqtardyń tazalyǵyn saqtaý, sý aıdyndarynyń arnalaryn ashý, kóshe boılaryn jáne aryq-atyzdardy qalpyna keltirý jumystary júrgizildi.
Túrkistan oblysy tabıǵı resýrstar jáne tabıǵatty paıdalanýdy retteý basqarmasynyń bastamasymen ótken shara aldaǵy ýaqytta da aýdan, qalalarda óz jalǵasyn tabady.
