Túrkistan oblysynda jalǵan nómirmen júrgen júrgizýshi polıtsııadan qashpaq boldy
ASTANA. KAZINFORM — Túrkistan oblysynda Almaty — Tashkent — Termez avtojolynda polıtsııanyń tsıfrlyq júıesi memlekettik nómiri jalǵan Toyota Camry avtokóligin anyqtady.
Kólik týraly aqparat birden patrýldik polıtsııa ekıpajyna berilip, tártip saqshylary ony toqtatyp, tekserý júrgizdi.
Kólikti toqtatýǵa áreket jasaǵan kezde júrgizýshi polıtsııa qyzmetkeriniń zańdy talabyna baǵynbaı, boı tasalaýǵa tyrysqan. Patrýldik polıtsııa qyzmetkerleri quqyq buzýshyny jedel ustady.
Anyqtalǵandaı, kólik tizgininde Jańa Turmys aýylynyń 26 jastaǵy turǵyny bolǵan.
Ol birneshe bap boıynsha ákimshilik jaýapkershilikke tartyldy. Atap aıtqanda, jalǵan memlekettik tirkeý nómirin paıdalanǵany, kólikti tıisti qujatsyz basqarǵany jáne bılik ókiliniń zańdy talabyna baǵynbaǵany úshin jaýapqa tartyldy. Sot sheshimimen quqyq buzýshy 5 táýlikke ákimshilik qamaýǵa alyndy.
Sonymen qatar oǵan 40 AEK mólsherinde aıyppul salyndy. Avtokólik tárkilenip, arnaıy turaqqa qoıyldy.
Tártip saqshylary júrgizýshilerdi polıtsııa qyzmetkerleriniń zańdy talaptaryn qatań saqtaýǵa shaqyrady. Zańdy talapqa baǵynbaý jáne boı tasalaýǵa áreket jasaý jaýapsyz qalmaıdy.
Aıta ketelik Abaı oblysynda jol apatynan 4 adam kóz jumǵan edi.
