Túrkistan oblysynda zańsyz temeki óndirip, satýmen aınalysqan qylmystyq top anyqtaldy

ASTANA. KAZINFORM – Qarjylyq monıtorıng agenttiginiń Túrkistan oblysy boıynsha departamenti azamattardyń ómiri men densaýlyǵyna qaýip tóndiretin zańsyz temeki ónimderin (snıýs) óndirý, satý jáne aınalymǵa engizýmen aınalysqan qylmystyq toptyń qyzmetin toqtatty.

Arnaıy operatsııanyń nátıjesinde 1 000 sharshy metr aýmaqta kúndelikti 30-dan astam jumyskerler jumys isteıtin zańsyz tseh joıyldy.

Shıkizat daıyndaý men logıstıkany uıymdastyrýdan bastap Astana, Almaty, Shymkent qalalarynda jáne basqa óńirlerde iri kóterme jetkizýshiler arqyly ótkizý arnalaryna deıingi qylmystyq qyzmettiń barlyq shemasy anyqtaldy.

Zańsyz aınalymnan 10 mln astam tyıym salynǵan daıyn ónim, 28,8 mln bir rettik dozany quraıtyn 14,4 tonnadan astam temeki, 3,3 myń lıtrden astam hosh ıistendirgish pen ýly qospalar, sondaı-aq óndiristik jabdyqtar alyndy.

«Qosymsha aqparat QPK-tiń 201-babyna sáıkes jarııalaýǵa jatpaıdy,- delingen habarlamada.

Osyǵan deıin QMA 250 adamnyń 300 mln teńgesin qoldy etken «Buyers Union» qarjy pıramıdasynyń jumysyn toqtatqanyn habarladyq.